Biz daimi sülhün əldə olunması ilə bağlı son dərəcə ümidliyik.
"Operativ Məlumat Mərkəzi-OMM" xəbər verir ki, bunu Türkiyə Prezidenti Rəcəb Tayyib Ərdoğan Bakıda Vətən müharibəsində qələbənin beşinci ildönümünə həsr olunmuş hərbi paradda deyib.
“Qardaşım İlham Əliyevin daimi sülhün təsisi üçün göstərdiyi səmimi səyləri təqdirlə qarşılayırıq. Ermənistan Baş naziri Nikol Paşinyanın da bu yolda atdığı cəsarətli addımları məmnunluqla izləyirik. İnşallah, bu möhtəşəm Zəfər hər iki liderin konstruktiv münasibəti ilə bölgədə sülh və əmin-amanlığı gücləndirəcək daimi razılaşma ilə nəticələnəcək. Türkiyə olaraq bu istiqamətdə üzərimizə nə düşürsə, yerinə yetirməyə davam edəcəyik”, - Ərdoğan vurğulayıb.
