Afət Ziyadqızı
Birləşmiş Ərəb Əmirliklərində həyata mənfi təsir göstərən şiddətli yağışlar səbəbindən "Emirates" Hava Yolları aprelin 18-i gecə yarısına qədər Dubaydan uçuşları dayandırdığını açıqlayıb.
"Operativ Məlumat Mərkəzi-OMM" xəbər verir ki, Birləşmiş Ərəb Əmirliklərinin (BƏƏ) rəsmi agentliyi olan WAM-da yer alan məlumata görə, Dubaydakı hava limanları sərnişinlərdən həddindən artıq zərurət halları xaricində hava limanına getməmələrini istəyib.
Açıqlamada uçuş cədvəlində gecikmələrin və bir sıra uçuş marşrutlarında mütəmadi dəyişikliklərin olduğu, sərnişinlərin uçuş statusu ilə bağlı son yeniliklər üçün birbaşa aviaşirkət ilə əlaqə saxlamalı olduğu bildirilib.
