"Roma"nın hücumçusu Paulo Dibala Səudiyyə Ərəbistanından gələn təklifi rədd edib.
"Operativ Məlumat Mərkəzi-OMM" xəbər verir ki, bu barədə insayder Nikolo Skira sosial mediada məlumat yayıb.
"Əl-Kadizia" bu yay argentinalıya dörd il ərzində 100 milyon avro maaşla 4 illik müqavilə təklif edib.
Ancaq 30 yaşlı futbolçu romalılarla kubok qazanmaq istədiyi üçün İtaliya klubunda qalmağı seçib.
Ötən mövsüm Dibala bütün turnirlərdə "Roma"da 39 oyun keçirib, 16 qol vurub və 10 asist edib.
Argentinalının klubla müqaviləsi 2025-ci ilin yayına qədər nəzərdə tutulub.
Onun bazar dəyəri 20 milyon avrodur.
