Ukrayna Prezidenti Volodimir Zelenski bildirib ki, Moskva müharibədəki roluna görə mükafatlandırılmamalıdır.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Zelenski Rusiyanın Xarkov şəhərinə hücumu barədə danışıb.
“Rusiya bu müharibəyə görə mükafatlandırılmamalıdır. Müharibə dayandırılmalıdır və ‘Dayan’ sözünü eşitməli olan Moskvadır”, – deyə Zelenski vurğulayıb.
O, bu gün Vaşinqtonda müharibənin bitməsi ilə bağlı müzakirələrin aparılacağı görüş keçiriləcəyini qeyd edib və əlavə edib: “Hazırda ruslar Xarkov, Zaporojye, Sumı vilayəti və Odessaya hücum edir, yaşayış binalarını və mülki infrastrukturumuzu məhv edirlər.”
Zelenski bildirib ki, görüşdə Ukrayna ilə yanaşı Böyük Britaniya, Fransa, Almaniya, İtaliya, Finlandiya, Avropa İttifaqı və NATO rəhbərləri də iştirak edəcək və hamı ləyaqətli sülh və təhlükəsizlik istəyir.
O, Rusiyanın mülki insanları qəsdən hədəf aldığını və həlak olanların ailələrinə başsağlığı verdiyini də bildirib.
Zelenski, həmçinin Odessada Azərbaycana məxsus bir enerji obyektinin hədəf alındığını qeyd edərək, bu hücumun təkcə Ukraynaya deyil, onun beynəlxalq əlaqələrinə də yönəldiyini deyib.
