"Mançester Yunayted"in müdafiəçisi Dioqo Dalot Avropa nəhənglərinin maraq dairəsinə düşüb.
"Operativ Məlumat Mərkəzi-OMM" xarici KİV-ə istinadən xəbər verir ki, 25 yaşlı futbolçunu “Bavariya” və “Real” klubları yaxından izləyir.
Vinsent Kompani və Karlo Ançelotti müdafiənin hər iki cinahında oynaya bilən portuqaliyalını heyətlərinə cəlb etmək istəyirlər.
"Transfermarkt" portalının mütəxəssisləri Dioqo Dalotun dəyərini 40 milyon avro qiymətləndirirlər.
Futbolçu bu mövsüm "qırmızı şeytanlar"ın heyətində bütün turnirlərdə 43 oyuna çıxıb, 1 qol vurub və 3 məhsuldar ötürmə edib.
