Çin, Türkiyə və BƏƏ şirkətləri ABŞ Ticarət Nazirliyi tərəfindən qara siyahıya salınıb

ABŞ Ticarət Nazirliyi Çin, Türkiyə və Birləşmiş Ərəb Əmirliklərindən olan 29 şirkəti malların ixracı və təkrar ixracına məhdudiyyətlər qoyan “qara siyahı”ya əlavə edib.

"Operativ Məlumat Mərkəzi-OMM" xəbər verir ki, bu barədə departamentin dərc etdiyi və RİA Novosti-nin nəzərdən keçirdiyi sənəddə deyilir.

Agentlik qeyd edib ki, bu şirkətlərin fəaliyyəti ABŞ-nin milli maraqlarına və xarici siyasətinə ziddir. Sözügedən təşkilatların yarıdan çoxu Çində, bəziləri Türkiyədə, qalanları isə BƏƏ-də qeydiyyatdan keçib. Siyahıya daxil olmaq əlavə ixrac maneələri, tədarüklərin məcburi lisenziyalaşdırılması və əksər istisnaların bloklanması deməkdir.