Çin üç il əvvəl Covid pandemiyası başlayandan bəri ilk dəfə xarici turistlərə viza verilməsini bərpa edəcək.
"Operativ Məlumat Mərkəzi-OMM" BBC-ə istinadən xəbər verir ki, martın 15-dən etibarən xarici ofislər Çin vizası üçün müraciətlərə baxa bilər.
Hainan adasında və Şanxayda kruiz gəmiləri üçün vizasız giriş də bərpa olunacaq.
Honq Konq və Makaodan olan tur qrupları da vizasız imtiyazlarını bərpa edəcəklər.
Covid ilə mübarizə üçün tətbiq edilən son sərhəd məhdudiyyətlərinin aradan qaldırılması, pandemiyadan sonrakı Çində normal həyatın bərpası istiqamətində böyük bir addımdır.
