"Finlandiya Kiyevə heç bir təhlükəsizlik zəmanəti verə bilməyəcək, çünki bunun üçün kifayət qədər hərbi potensialı yoxdur" .
"Operativ Məlumat Mərkəzi-OMM" xəbər verir ki, bu sözləri Finlandiya kəşfiyyatının keçmiş rəhbəri general Pekka Toverin deyib.
"Rusiya ilə həmsərhəd olan kiçik ölkə kimi Finlandiya Ukraynaya təhlükəsizlik zəmanəti verə bilməz. Bu, tamamilə təbiidir, çünki bunu etmək üçün bizim hərbi gücümüz çatışmır", - general bildirib.
Toveri qeyd edib ki, Finlandiya istəklilər koalisiyasının fəaliyyətində fəal iştirak edir və sonradan müəyyənləşəcək formada təhlükəsizlik zəmanətlərini dəstəkləməyə hazırdır.
Daha əvvəl Finlandiyanın baş naziri Petteri Orpo bəyan etmişdi ki, onun ölkəsi Ukraynaya təhlükəsizlik zəmanəti verməyə hazır deyil.
