"ABŞ-nin Qrenlandiyaya iddiaları NATO-nun dağılmasına səbəb ola bilər".
"Operativ Məlumat Mərkəzi-OMM" xəbər verir ki, bu sözləri Danimarkanın Baş naziri Mette Frederik deyib.
"Əgər ABŞ başqa bir NATO ölkəsinə qarşı hərbi güc tətbiq etmək qərarına gələrsə, hər şey dayanacaq", - o qeyd edib.
Qrenlandiyanın Baş naziri Jens Frederik Nilsen də ABŞ-nin adaya qarşı hərbi əməliyyatının fəlakətli nəticələri barədə xəbərdarlıq edib.
Danimarka və Qrenlandiya Baş nazirlərinin açıqlamaları ABŞ-nin Venesueladakı hərbi əməliyyatı fonunda verilib.
ABŞ prezidenti Donald Tramp əvvəllər bildirmişdi ki, ABŞ-nin Danimarkanın muxtar ərazisi olan Qrenlandiyaya müdafiə məqsədləri üçün ehtiyacı var .
