"Rusiya təyyarəsinin NATO səmasında vurulması zəiflik əlaməti olardı".
"Operativ Məlumat Mərkəzi-OMM" xəbər verir ki, bu sözləri NATO-nun baş katibi Mark Rutte deyib.
"Nə qədər ki, ruslar heç bir təhlükə yaratmır, biz onları doğru şəkildə hava məkanımızdan çıxaracağıq. Bu, mütənasib cavabdır. Biz Rusiyadan qat-qat güclüyük", - o deyib.
Ruttenin fikrincə, alyans zəif olsaydı, təyyarələr dərhal vurula bilərdi, lakin daha güclü olduğuna görə NATO-nun cavabı mütənasibdir.
Avropa Parlamenti bundan əvvəl Aİ ölkələrini Aİ hava məkanında Rusiya təyyarələrini vurmağa çağıran qətnamə qəbul edib . Qətnamədə aydınlıq gətirilir ki, o, Aİ-yə koordinasiyalı tədbirlər görməyə imkan verəcək istənilən təşəbbüsləri təşviq edir.
