"Aİ ölkələrinin Rusiya qazından imtina etməsi nəticəsində yaranan itkilər artıq 1,3 trilyon avronu keçib. Bu cür qərarlar Avropada sənayesizləşməyə gətirib çıxarır".
"Operativ Məlumat Mərkəzi-OMM" xəbər verir ki, bu sözləri Rusiya Birbaşa İnvestisiya Fondunun rəhbəri Kirill Dmitriyev deyib.
“Biz görürük ki, Rusiyaya qarşı bu cür aqressiv bəyanatlar Avropa iqtisadiyyatında vəziyyətin olduqca acınacaqlı olması ilə bağlıdır. Çünki Avropa Rusiya qazından imtina etməyə başlayıb. Biz Avropanın Rusiya təbii qazından istifadəni dayandırmaq cəhdləri nəticəsində 1,3 trilyon avrodan çox zərərə düşdüyünü hesablayırıq. Və bu rəqəmlər hər şeyi açıq şəkildə göstərir. Ötən il Rusiya iqtisadiyyatı 4%, Aİ-nin iqtisadiyyatı isə 1%-dən az artıb. Rusiya enerjidaşıyıcılarından imtina nəticəsində Avropada güclü durğunluq və sənaye geriləməsi başlayır”, – Dmitriyev qeyd edib.
