Böyük Britaniya hökuməti Qəzzaya humanitar yardımın çatdırılması ilə bağlı dəniz dəhlizinin fəaliyyətini təmin etmək üçün Aralıq dənizinə hərbi gəmi göndərdiyini elan edib.
"Operativ Məlumat Mərkəzi-OMM"-in məlumatına görə, Böyük Britaniyanın müdafiə naziri Qrant Şapps bildirib ki, gəmi artıq öz yerləşdirmə yerinə yollanıb.
Bildirilib ki, gəmi göndərməklə yanaşı, Böyük Britaniya humanitar dəhlizə humanitar yardım, logistik dəstək və avadanlıq təmin etmək üçün də 9,7 milyon funt-sterlinqə qədər vəsait ayırıb.
“Biz buna çox ehtiyacı olanlara kömək etməyə sadiqik”, - deyə Böyük Britaniyanın xarici işlər naziri Devid Kemeron bildirib.
