BMT: Vətəndaş müharibəsinin getdiyi Sudanda məcburi köçkünlərin sayı 8,5 milyonu ötüb

Birləşmiş Millətlər Təşkilatının Qaçqınlar üzrə Ali Komissarlığının (UNHCR) sözçüsü Olqa Sarrado Sudanda vətəndaş müharibəsinin bütün zorakılıqları ilə davam etdiyini bildirib.

"Operativ Məlumat Mərkəzi-OMM" xəbər verir ki, Sarrado Sudan və qonşu ölkələrin dünyanın ən böyük və ən çətin köçkünlük böhranlarından birini yaşadığını bildirib.

Sarrado məcburi köçkünlərin sayının 8,5 milyonu keçdiyini, onlardan 1,8 milyonunun qonşu ölkələrə qaçdığını bildirib.

Davam edən qarşıdurmaların Sudan xalqının həyatını alt-üst etdiyini deyən Sarrado, beynəlxalq humanitar hüquqa zidd olaraq mülki şəxslərə qarşı hücumların durmadan davam etdiyini vurğulayıb.