BMT Baş Assambleyasının 80-ci sessiyasının yüksək səviyyəli həftəsi öncəsi Nyu-Yorkda təhlükəsizlik tədbirləri gücləndirilib.
"Operativ Məlumat Mərkəzi-OMM" TASS-a istinadən xəbər verir ki, BMT Baş Qərargahının ətrafındakı küçələr bağlanıb, metal və beton baryerlər qurulub.
Əraziyə gücləndirilmiş polis qüvvələri cəlb olunub, girişlərdə əlavə keçid məntəqələri açılıb.
Jurnalistlər və nümayəndə heyətlərinin üzvləri metal detektorlarla, həmçinin itlər vasitəsilə yoxlanılır. Media təmsilçilərinin qərargah daxilində hərəkəti də məhdudlaşdırılıb.
Əsas müzakirələr sentyabrın 23-27-si və 29-da keçiriləcək. Ümumilikdə 195 nümayəndə heyətinin çıxışı nəzərdə tutulub.
