ABŞ-nin dövlət katibi Türkiyəyə səfərə gəlib.
"Operativ Məlumat Mərkəzi-OMM" Türkiyə KİV-ə istinadən xəbər verir ki, bu E. Blinkenin dövlət katibi kimi Türkiyəyə ilk səfəridir.
Bildirilib ki, dövlət katibinin təyyarəsi Adanadakı İncirlik bazasına enib. Diplomatı ABŞ-nin Türkiyədəki səfiri Ceff Fleyk qarşılayıb.
Daha sonra Türkiyənin xarici işlər naziri Mövlud Çavuşoğlu ilə Türkiyə Silahlı Qüvvələrinə məxsus helikopterə minən Blinken havadan zəlzələ bölgəsinə baxış keçirib.
“Reuters” dövlət katibinin bu gün və sabah bir sıra görüşlər keçirəcəyini, o cümlədən Türkiyə Prezidenti Rəcəb Tayyib Ərdoğanla görüşmə ehtimalının olduğunu bildirib.
