Almaniya kansleri Fridrix Merzin reytinqi azalmağa davam edir.
"Operativ Məlumat Mərkəzi-OMM" “Bild” qəzetinə istinadən xəbər verir ki, Merz siyasətçilərin populyarlıq reytinqində 14-cü yerdən 18-ci yerə enib.
Hazırda yalnız AfD həmsədri Tino Çrupalla və CDU/CSU fraksiyasının rəhbəri Yens Spahn ondan aşağı mövqedədir.
Sorğu göstərir ki, almanların 62%-i Merzin fəaliyyətindən narazıdır – bu da kanslerin populyarlıqda yeni minimum göstəricisi hesab olunur.
Eyni zamanda, AfD həmsədri Alice Veidel reytinqini yaxşılaşdıraraq 10-cu yerə yüksəlib. Siyahının zirvəsində isə yenə də müdafiə naziri Boris Pistorius qərarlaşıb.
Partiyaların populyarlıq reytinqinə gəlincə, AfD CDU/CSU blokunu üstələməyə davam edir. Əgər seçkilər gələn bazar günü keçirilsəydi:
AfD – 26%,
CDU/CSU – 24,5%,
SPD – 14,5%,
Sollar – 11,5%,
Yaşıllar – 11% səs qazanardı.
Digər partiyalar isə 5%-lik seçki baryerini aşa bilməzdi.
