Türkiyəli basketbol hakimi Yener Yılmaz 19 yaşadək kişilər arasında dünya çempionatında iştirak edəcək.
"Operativ Məlumat Mərkəzi-OMM" xəbər verir ki, Türkiyə Basketbol Federasiyasından verilən açıqlamaya görə, Yener Yılmaz 24 iyun-2 iyul tarixlərində Macarıstanın Debrecen şəhərində keçiriləcək dünya çempionatında FİBA tərəfindən təyinat alıb.
Təşkilatda Türkiyə ilə Argentina, Braziliya, Kanada, Çin, Misir, Fransa, Macarıstan, Yaponiya, Cənubi Koreya, Livan, Madaqaskar, Serbiya, Sloveniya, İspaniya və ABŞ yarışacaq.
1999-cu ildə hakimliyə başlayan 42 yaşlı Yılmaz 2003-cü ildə A sinfinə yüksəldi və 2013-cü ildə FİBA lisenziyasını aldı.
