Azərbaycan İsrailin ən çox silah ixrac etdiyi ölkələrdəndir

2018-2022-ci illərdə Azərbaycan İsrailin ən çox silah ixrac etdiyi ikinci ölkə olub.

"Operativ Məlumat Mərkəzi-OMM" xəbər verir ki, bu barədə Stokholm Beynəlxalq Sülh Araşdırmaları İnstitutunun (SIPRI) hesabatında bildirilib.

Qeyd olunub ki, sözügedən dövrdə İsrailin silah ixracının 9,1%-i Azərbaycanın payına düşüb. 2018-2022-ci illər ərzində İsrailin ən çox silah ixrac etdiyi ölkə isə Hindistan olub. Hindistana silah ixracı İsrailin ümumi silah ixracının 37%-ni təşkil edib.

İsrailin ən çox silah ixrac etdiyi üçüncü ölkə isə Filippin (8,5%) olub.

2018-2022-ci illərdə İsrailin qlobal silah ixracındakı payı 2,3% təşkil edib.