"Tramp administrasiyası ilə apardığımız dialoq göstərir ki, Qərbdə hələ də ağıllı insanlar var".
"Operativ Məlumat Mərkəzi-OMM" xəbər verir ki, bu sözləri Rusiya XİN rəhbəri Sergey Lavrov deyib.
O, bildirib ki, Rusiya hətta ən çətin dövrlərdə belə daim dialoqun tərəfdarı olub.
"Soyuq Müharibə dövründə belə Sovet İttifaqı ilə ABŞ arasında dialoq heç vaxt kəsilməmişdi. Və bu gün qeyd olunması vacib olan daha bir məsələ – o dövrdə qarşılıqlı hörmət vardı. İndi isə bu yoxdur. Avropa sadəcə azğınlaşıb, başqa söz tapa bilmirəm. Bu, böyük ölçüdə hakimiyyətdə qalmaq uğrunda bir mübarizədir. Onlar anlayırlar ki, Rusiyaya qarşı vuruşmaq, əsgərlərimizi öldürmək, mülki infrastrukturumuza qarşı terror aktları təşkil etmək, siyasətçilərimizi, jurnalistlərimizi öldürmək üçün göndərilən muzdlulara dəstək göstərməklə Ukraynaya yatırdıqları yüz milyardlarla avronun yeganə məqsədi var –Rusiyanı rəqib kimi aradan qaldırmaq", - Lavrov qeyd edib.
