İran atəşkəs elanından sonra İsrailin bu ölkəyə hücumlarını üç mərhələdə yerli vaxtla saat 09:00-a qədər davam etdirdiyini bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Məsələ ilə bağlı Hatəmül-Ənbiya Mərkəzi Qərargahının sözçüsü İbrahim Zülfikarinin açıqlaması dərc olunub.
“Sionist təcavüzkar rejim bu gün səhər saat 09:00-a qədər üç mərhələdə İran ərazisindəki bəzi mərkəzlərə hücum edib", - açıqlamada deyilir.
Qeyd edək ki, atəşkəsin saat 07:00-da başlayacağı bildirilmişdi.
İsrail atəşkəs elan edildikdən sonra İrandan raketlər atıldığını iddia edib və İsrailin müdafiə naziri İrana hücum əmri verdiyini açıqlayıb.
İran Baş Qərargahı raketlərin İrandan atıldığı iddiasını təkzib edib.
