"Mançester Yunayted"in futbolçusu Antoni karyerasını "Bavariya" klubunda davam etdirə bilər.
"Operativ Məlumat Mərkəzi-OMM" xəbər verir ki, bu barədə "Fichajes" portalı məlumat yayıb.
Məlumata görə, "Bavariya" İspaniyanın "Betis" klubunda yaxşı oyun nümayiş etdirən futbolçunu heyətinə qatmaq istəyir.
"Betis"in heyətində Antoni bütün turnirlərdə 11 görüşdə meydana çıxıb, 4 qol və 4 məhsuldar ötürmə ilə yadda qalıb.
"Transfermarkt" portalının məlumatına görə, braziliyalının dəyəri 20 milyon avrodur.
