Almaniya kansleri Fridrix Mertzin hökuməti Avropa İttifaqında (Aİ) ilk olaraq tanınmamış “Taliban” hərəkatı ilə birbaşa əməkdaşlıq etməyə qərar verib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, digər Aİ ölkələrinin də bu nümunəni izləyəcəyi gözlənilir.
Xüsusilə qeyd olunur ki, Berlin “Taliban”la aviauçuşların sayını artırmaq və Əfqanıstanın Almaniyadakı konsulluğunda onların işləməsinə icazə vermək məqsədilə birbaşa danışıqlara başlayıb.
Almaniyanın daxili işlər naziri Aleksandr Dobrindt bildirib: “Yaxın vaxtlarda elə bir razılaşma əldə edəcəyik ki, bu da bizə Əfqanıstana insanları müntəzəm reyslərlə geri qaytarmağa imkan verəcək.”
Qeyd olunur ki, Avstriya və Belçika da daxil olmaqla bir sıra Aİ ölkələri Berlinin bu yanaşmasına nümunə kimi baxırlar.
