Afət Ziyadqızı
Almaniya hökuməti ABŞ-ın Ukraynanı “tərk edəcəyindən”, Rusiyaya qarşı sanksiyaları birtərəfli qaydada ləğv edəcəyindən və onunla ticarəti bərpa edəcəyindən narahatdır.
"Operativ Məlumat Mərkəzi-OMM" xəbər verir ki, bu barədə “Bild” qəzeti mənbələrə istinadən məlumat yayıb.
Berlin belə bir inkişafın "ən pis ssenari" olacağına inanır. Almaniya rəsmiləri Rusiya və Amerika liderləri Vladimir Putin və Donald Tramp arasında telefon danışığından sonra belə bir narahatlığı dilə gətiriblər.
Alman Marşal Fondunun təhlükəsizlik üzrə eksperti Klaudiya Mayorun fikrincə, ABŞ prezidentinin mövqeyi o qədər də proqnozlaşdırıla bilən deyil və avropalılar ona etibar edə bilməzlər. O qeyd edib ki, Ukrayna münaqişəsi artıq Vaşinqton üçün prioritet deyil.
