Aİ Yaxın Şərqdə gərginliyin azaldılması səylərindən danışıb

Avropa İttifaqı (Aİ) Yaxın Şərqdəki vəziyyətin həllinə töhfə verməyi gözləyir və bu məqsədlə münaqişənin bütün tərəfləri ilə əlaqə saxlayır.

"Operativ Məlumat Mərkəzi-OMM" "RİA Novosti"yə istinadən xəbər verir ki, bu barədə Regional Birliyin Xarici Əlaqələr və Təhlükəsizlik Siyasəti üzrə ali nümayəndəsi Josep Borrell bildirib.

Diplomat İranın İsrailə hücumu ilə bağlı assosiasiyaya üzv olan 27 ölkə adından açıqlama verib. Sənəddə vurğulanıb ki, Aİ vəziyyətin yumşaldılması üçün tədbirlər görməyə davam etməyi planlaşdırır.

"Aİ regionda təhlükəsizliyin yaxşılaşdırılmasına sadiq qalır və bu məqsədlə bütün tərəflərlə sıx əlaqə saxlayır", - deyə Borrell bildirib.