Mayın 19-da ABŞ prezidenti Donald Trampın hərbi təhdidləri fonunda Aİ və Böyük Britaniya təhlükəsizlik və müdafiə sahəsində tərəfdaşlıq sazişi imzalamağa hazırlaşır.
"Operativ Məlumat Mərkəzi-OMM" xəbər verir ki, bu barədə "Financial Times" (FT) Aİ diplomatlarına istinadən məlumat yayıb.
Qeyd edilib ki, Tramp administrasiyasının hərəkətləri nəticəsində yaranan qlobal iğtişaş Brüsselin Londonla Britaniya şirkətlərinə birgə silah alışında iştirak etməyə imkan verən müdafiə və təhlükəsizlik paktı imzalamaq əzmini gücləndirir.
ABŞ prezidentinin NATO müttəfiqlərini dəstəkləməklə bağlı hədələri və onun Rusiyaya qarşı təklifləri Avropa ölkələrini kollektiv şəkildə yenidən silahlanmağa və müdafiə xərclərini artırmağa məcbur edib.
