Baltik dənizinə çıxışı olan Aİ ölkələri Rusiyanın “kölgə donanması”na daxil olduğu iddia edilən gəmilərin kütləvi saxlanmasına imkan verəcək hüquqi tədbirlər hazırlayır.
"Operativ Məlumat Mərkəzi-OMM" xəbər veri ki, bununla bağlı xarici KİV məlumat yayıb.
Bildirilib ki, yeni qanunvericilik gəminin ətraf mühitə vurduğu zərərə görə və dənizin altındakı kabellərə və dənizdəki digər kritik infrastruktura zərər verdiyinə görə həbs edilməsinə icazə verəcək.
Tankerlərin saxlanılması üçün əsas səbəb piratçılığa qarşı mübarizə olacaq.
Bir sıra Aİ ölkələri, xüsusilə Litva və Estoniya da etibarlı dəniz sığortaçılarının siyahısını yaratmağı planlaşdırır. Əgər gəmi bu siyahıya daxil olmayan şirkət tərəfindən sığortalanıbsa, o, saxlanılacaq.
Litvanın müdafiə naziri Dovile Şakaliene bildirib ki, gəmilərin saxlanması əsaslı addım olacaq: "Sanksiyaya məruz qalan gəmilər dənizlərdə dinc və maneəsiz üzə bilməməlidir".
