ABŞ-ın milli təhlükəsizlik müşaviri Sullivan Ağ Evdə keçirdiyi mətbuat brifinqində Co Bayden administrasiyasının xarici siyasətini dəyərləndirib.
"Operativ Məlumat Mərkəzi-OMM" xəbər verir ki, Sallivan Yaxın Şərqdə İsrailə güclü dəstək verdiklərini və “İran kimi düşmənlərin” ciddi şəkildə zəiflədiyini bildirib.
Qəzzada atəşkəs prosesi ilə bağlı çox ümidli danışan Sullivan, "atəşkəs razılaşmasına çox yaxınıq, razılaşma bu həftə tamamlana bilər. Mən heç bir vəd və ya proqnoz vermirəm, amma bunun reallaşması üçün çalışacağıq" deyib.
Sullivan, bu atəşkəs razılaşması ilə məhbusların evlərinə qayıtmasının, Qəzzaya əhəmiyyətli miqdarda yardımın və bundan sonra siyasi prosesə zəmin yarada biləcək daha müsbət atmosferin mümkün olacağını bildirib.
