ABŞ Ukraynaya əlavə 325 milyon dollarlıq hərbi yardım paketi ayırıb.
"Operativ Məlumat Mərkəzi-OMM" xəbər verir ki, bu barədə ABŞ Müdafiə Nazirliyi məlumat yayıb.
Qeyd olunub ki, Bayden administrasiyası 2021-ci ilin avqustundan bu yana 36-cı dəfə Ukraynaya ordu inventarlarından silah verib.
Paketə daxil olan sursat və avadanlıqlar isə bunlardır:
"HIMARS üçün əlavə döyüş sursatı; 155 mm və 105 mm-lik artilleriya mərmiləri; TOW raketləri; AT-4 tank əleyhinə silah sistemləri; tank əleyhinə minalar; maneələri təmizləmək üçün dağıdıcı sursatlar; dörd logistik dəstək maşını; nəqliyyat vasitələrinə texniki xidmət və təmiri dəstəkləmək üçün sınaq və diaqnostika avadanlığı".
