ABŞ dövlət katibi Marko Rubio Hindistan və Pakistan hökumətlərini problemin sülh yolu ilə həllini axtarmağa çağırıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Rubio "X" sosial media platformasında Hindistanın Pakistanın bəzi bölgələrinə hava hücumları ilə bağlı açıqlama verib.
Hindistan və Pakistan arasındakı vəziyyəti yaxından izlədiyini bildirən Rubio, ABŞ prezidenti Donald Trampın məsələ ilə bağlı qiymətləndirmələri ilə razılaşdığını qeyd edib.
Rubio vəziyyətin tez bir zamanda sona çatacağına ümid etdiyini bildirib və Hindistan və Pakistan hökumətlərini sülh yolu ilə həll etməyə çağırıb.
Tramp Hindistan və Pakistan arasındakı münaqişəni “biabırçı” adlandırıb və bunun tezliklə bitəcəyinə ümid etdiyini bildirib.
