Həmas ilə İsrail arasında Qəzzada atəşkəs və məhbus mübadiləsi razılaşmasının fonunda fevralın 22-də azadlığa buraxılması gözlənilən 641 fələstinli məhbus gecikmədən sonra sərbəst buraxılıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, işğal altındakı İordan çayının qərb sahilindəki Ofer hərbi həbsxanasından və İsrailin cənubundakı Ketziot həbsxanasından azad edilən fələstinli məhbuslar Qırmızı Xaç qruplarına təhvil verilib.
Razılaşmanın birinci mərhələsində azad edilməli olan 33 israilli məhbusun hamısı təhvil verilib, azad edilən fələstinlilərin sayı isə 1776-ya yüksəlib.
