2 nəfər sürücünü döyən şəxs saxlanıldı

Bakıda 2 nəfər sürücünü döyərək mobil telefonunu alıb və avtomobilini əzib.

Bu barədə "Operativ Məlumat Mərkəzi - OMM" Daxili İşlər Nazirliyindən məlumat verilib.

Bildirilib ki, fevralın 14-də saat 23 radələrində Xəzər rayonunun Buzovna qəsəbəsində “Toyota” markalı bir avtomobildə sərnişin olan 2 nəfərin sürücünü döyərək mobil telefonunu almaları və avtomobili əzərək ona 2000 manat dəyərində ziyan vurmaları barədə polisə məlumat daxil olub.

Xəzər RPİ 1-ci Polis Şöbəsi əməkdaşlarının keçirdikləri əməliyyat tədbirləri nəticəsində quldurluq əməlində şübhəli bilinən Buzovna qəsəbə sakini Elxan Bəxtiyarlı və qardaşı Bəxtiyar müəyyən olunaraq saxlanılıblar.
Xəzər Rayon Polis İdarəsində araşdırma aparılır.