Cənubi Koreyada keçmiş prezident Yoon Suk Yeolun impiçmentindən sonra iyunun 3-də keçiriləcək prezident seçkiləri ərəfəsində 12 milyondan çox seçici erkən səsvermədə iştirak edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bu göstərici 2014-cü ildən tətbiq edilən erkən səsvermə sisteminin tarixində ən yüksək iştirak nisbəti kimi qeydə alınıb.
Ümumilikdə təxminən 44,3 milyon seçicinin səs verəcəyi gözlənilən seçki, keçmiş prezident Yeolun impiçmentindən sonra baş verən siyasi böhran şəraitində keçirilir.
Ölkədə mayın 28-də keçirilən son rəy sorğusuna əsasən, DP-nin namizədi Li 49,2 faiz, hökumətin namizədi Kim isə 36,8 faiz səslə irəlidədir. Namizədlər arasında Yeni İslahat Partiyasının lideri Li Jun Seok bu sorğuda 10,3 faiz səslə üçüncü yerdə qərarlaşıb.
