Danimarka polisi 11 şirkət və 7 şəxsi Rusiyaya qarşı sanksiyaları pozmaqda ittiham edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
İttihamlar 2022-ci ilin fevralından 2025-ci ilin fevralınadək olan dövrü əhatə edir.
135 Danimarka şirkətinə sanksiyalara əməl etmədiklərinə görə xəbərdarlıq edilib. Xüsusilə, bu şirkətlərin məhsullarını üçüncü ölkələrə ixrac etməsi məsələsinə diqqət çəkilib.
İyun ayında məlum olmuşdu ki, boya və lak məhsulları istehsal edən "Flügger" şirkətlər qrupu Rusiyaya satışlarla bağlı əldə edilmiş məlumatlardan sonra araşdırmaya cəlb edilib.
"Flügger" etiraf edib ki, sanksiyalar tətbiq edildikdən sonra da məhsulları Rusiyada satılıb, lakin bildirib ki, Şərqi Avropadakı distribyutor tərəfindən aldadılıb.
