“Əsrin fəlakəti” olaraq xarakterizə edilən Kahramanmaraş mərkəzli zəlzələlərdən sonra 5 min 939 yaralıdan 4 min 575-i evə buraxılıb.

 "Operativ Məlumat Mərkəzi - OMM" xəbər verir ki, 1364 zəlzələ qurbanının müalicəsi davam edir.

Qeyd edək kİ, Aralıq dənizi, Cənub-Şərqi və Şərqi Anadolu bölgələrindəki 10 vilayətdə baş verən zəlzələ nəticəsində xəsarət alan vətəndaşların Türkiyə Silahlı Qüvvələrinin (TSK) hərbi təyyarələri və Səhiyyə Nazirliyinin təcili tibbi yardım təyyarələri ilə İstanbula gətirilməsi davam edir.

Yaralılar təcili yardım maşınları ilə hava limanlarından götürülərək şəhərdəki dövlət, özəl və universitet xəstəxanalarına yerləşdirilir.

Bölgədə artan gərginliyi nəzərə alsaq, İsrail və Fələstin arasındakı münaqişənin ədalətli həllinin tapılması xüsusilə vacibdir.

"Operativ Məlumat Mərkəzi-OMM" xəbər verir ki, bunu Rusiya prezidenti Vladimir Putin deyib.

“Bu faciəli hadisələr fonunda Fələstin məsələsinin beynəlxalq səviyyədə tanınmış ədalətli həlli xüsusilə vacibdir”, - deyən Rusiya lideri əlavə edib ki, bu gün Yaxın Şərq öz tarixinin ən çətin böhranlarından birini yaşayır.

Putin Fələstin-İsrail münaqişəsinin kəskinləşməsinin qonşu ölkələrdə və bütövlükdə regionda gərginliyin artmasına səbəb olduğunu vurğulayıb.

İranın Xorasan Rəzəvi əyalətinə yağan fasiləsiz yağışlar zamanı baş verən daşqınlar nəticəsində azı yeddi nəfər ölüb, bir neçə sakin itkin düşüb.

"Operativ Məlumat Mərkəzi-OMM" İRNA-ya istinadən xəbər verir ki, bunu Xorasan Rəzəvi əyalətinin böhran vəziyyəti üzrə idarəsinin başçısı Seyid Reza Abbasi Neyşaburi bildirib.

Məşhəd əyalətinin rəhbəri Möhsün Davari Rəzəvi rayonunun Çenark kəndindən 150, Əhmədabad rayonunun Sultanabad kəndindən 300-ə yaxın sakinin təxliyə edildiyini açıqlayıb.

Məlumata görə, Meteorologiya Təşkilatı ölkənin şimal-şərqində yeni daşqın ehtimalı ilə bağlı xəbərdarlıq edərək Rəzəvi Xorasan, Şimali Xorasan, Gülüstan və Semnan əhalisini daşqınların qarşısının alınmasına yardım etməyə çağırıb.

Qurumun hava şəraiti ilə bağlı yayılan bəyanatında Fars və Ərdəbil əyalətlərində yağıntılara görə narıncı xəbərdarlıq elan edilib. Təşkilat Qərbi Azərbaycan və Şərqi Azərbaycanda, habelə Xəzər dənizi sahillərində də yağışların intensivliyinin artacağı bildirib.

Rusiya Ukrayna ilə bağlı istənilən sülh təşəbbüsünü alqışlayır.

"Operativ Məlumat Mərkəzi-OMM" xəbər verir ki, bu barədə Rusiya prezidentinin mətbuat katibi Dmitri Peskov REN TV-yə müsahibəsində bildirib.

Onun sözlərinə görə, Çində keçiriləcək danışıqlarda Ukrayna münaqişəsi və onun həlli yolları məsələsi də müzakirə olunacaq.

Peskov qeyd edib ki, Rusiya çinli həmkarlarının mümkün perspektivlər və vəziyyətin həlli üçün yeni təşəbbüslərin irəli sürülməsinin mümkün səbəbləri barədə baxışında maraqlıdır.

Rusiya Prezidenti Vladimir Putinin Çinə dövlət səfəri başlayıb.

"Operativ Məlumat Mərkəzi-OMM" xəbər verir ki, Pekində Çin Xalq Respublikasının Sədri Si Cinpin ilə Rusiya Prezidenti Vladimir Putinin görüşü olub.

Si Cinpin Vladimir Putini salamlayıb, növbəti dəfə Rusiya prezidenti seçilməsi münasibəti ilə onu təbrik edib. Putin isə bildirib ki, Çin ticarət-iqtisadi sahədə Rusiyanın əsas tərəfdaşıdır: “2023-cü ildə ikitərəfli ticarət dövriyyəsi 227 milyard dollara çatıb”.

Artıq liderlər arasında məhdud tərkibdə görüş başlayıb. Bu, Vladimir Putinin yeni prezidentlik müddəti başlayandan bəri ilk xaricə səfəridir.

Qeyd edək ki, Rusiya Prezidentinin Çinə dövlət səfəri 2 gün davam edəcək.

Türkiyənin İstanbul şəhərindəki məşhur İstiqlal küçəsində yanğın qeydə alınıb.

"Operativ Məlumat Mərkəzi-OMM" Türkiyə mətbuatına istinadən xəbər verir ki, hadisə geyim mağazalarından birinin tavanında başlayıb.

Hadisənin səbəbi məlum olmasa da, yanğın şəhərin bir çox yerindən görünüb.

Mərkəzi prospektə çoxsaylı yanğınsöndürən və təcili tibbi yardım briqadaları cəlb olunub.