OMM Redaksiyası
İtaliyanın mərkəzində 4,1 bal gücündə zəlzələ baş verib, qatarların hərəkəti dayanıb.
"Operativ Məlumat Mərkəzi - Omm" xəbər verir ki, bu barədə yerli “İtaly-24 News” agentliyi bildirib.
Agenlik qeyd edib ki, Milli Geofizika və Vulkanologiya İnstitutundan təkanların Adriatik dənizi sahilləri boyunca Rimini və Ravenna kimi böyük şəhərlərdə də hiss olunduğu bildirilib.
Xatırladaq ki, Emiliya-Romanya bölgəsində artıq bir neçə gündür ki, seysmik aktivlik davam edir. Dəniz sahillərində yerləşən bəzi şəhərlərdə məktəblər bağlanıb.
Dağıntılar, ölən və xəsarət alanlar barədə məlumat yoxdur.
