“Ukrayna Yaponiya ilə müdafiə əməkdaşlığını genişləndirmək istəyir”.
“Operativ Məlumat Mərkəzi-OMM” xəbər verir ki, bu barədə “Armenpress” agentliyi məlumat yayıb.
Zelenski Yaponiyanın Baş naziri Sanae Takaiçinin müdafiə ixracını genişləndirmək siyasətini alqışladığını qeyd edib və xüsusilə Ukrayna üçün hava hücumundan müdafiə sistemlərinin əhəmiyyətini vurğulayıb. O, Takaiçinin bu sahədə “dialoq dəhlizi” açacağına ümid etdiyini bildirib.
Ukrayna lideri həmçinin Yaponiya hökumət başçısı ilə görüşmək istədiyini, bu görüşün beynəlxalq tədbir çərçivəsində və ya Yaponiyaya səfər zamanı baş tuta biləcəyini əlavə edib.
Qeyd olunub ki, Yaponiyanın mövcud qaydalarına əsasən, hərbi texnika yalnız ölümcül olmayan beş istiqamət – xilasetmə əməliyyatları, nəqliyyat, xəbərdarlıq, müşahidə və mina təmizləmə sahələrində istifadə şərti ilə ixrac edilə bilər.
Tokio indiyədək Kiyevə yük maşınları da daxil olmaqla təxminən 100 ədəd Özünümüdafiə Qüvvələri texnikası, eləcə də bədən zirehləri, dəbilqələr, qış geyimləri, ərzaq payları, çadırlar, gigiyena vasitələri və elektrik generatorları göndərib.
