Ukrayna prezidenti Volodimir Zelenski Argentinanın yeni prezidenti Xavyer Mileyin andiçmə mərasimində iştirak etmək üçün bu ölkəyə səfər edəcək.
"Operativ Məlumat Mərkəzi-OMM" xəbər verir ki, bu barədə TN telekanalı məlumat yayıb.
Qeyd olunub ki, Miley seçkilərdəki qələbədən bir neçə gün sonra Zelenski ilə danışıb və Argentinada Ukrayna ilə bağlı sülh konfransının keçirilməsini təklif edib. Zelenski isə Argentinaya səfər edəcəyini bildirib.
Bu Ukraynanın hazırkı prezidentinin Cənubi Amerikaya ilk səfəri olacaq.
Xatırladaq ki, inauqurasiya dekabrın 10-da keçiriləcək.
