Ukrayna prezidenti Volodimir Zelenski Türkiyə Prezidenti Rəcəb Tayyib Ərdoğanla görüşmək üçün Ankaraya gəlib.
"Operativ Məlumat Mərkəzi-OMM" xəbər verir ki, bununla bağlı "TRT Haber" məlumat yayıb.
Zelenski prezident Ərdoğanla Beştəpədə görüşəcək.
Zelenskini daşıyan təyyarə saat 12:14-də Ankara Esenboğa hava limanına eniş edib.
Ukrayna prezidenti Zelenskini NATO Xarici İşlər Nazirlərinin qeyri-rəsmi toplantısı üçün Antalyaya səfər etdikdən sonra bu səhər Ankaraya gələn Ukraynanın xarici işlər naziri Andrii Sybiha və rəsmilər hava limanında qarşılayıblar.
