"Avropa İttifaqının (Aİ) Rusiya əleyhinə tribunal layihəsi legitim olmayan bir addımdır".
"Operativ Məlumat Mərkəzi-OMM" xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“Əgər bu legitim olmayan qurumun işi və qərarları bir gün işıq üzü görsə belə, bizim üçün heç bir əhəmiyyəti olmayacaq”, - o vurğulayıb.
Zaxarova əlavə edib ki, hər hansı bir dövlətin bu tribunal ilə birləşməsi Rusiya tərəfindən son dərəcə düşmən addımı kimi qiymətləndiriləcək və qaçılmaz nəticələrə səbəb olacaq.
Onun sözlərinə görə, anti-Rusiya tribunalının yaradılması təşəbbüsü “sifarişli ədalət mexanizmi”dir və həqiqəti müəyyənləşdirmə cəhdləri ilə heç bir əlaqəsi yoxdur.
