Yunanıstan sahillərində miqrant qayığı qəzasında Yunanıstan sahil mühafizəsinin səhlənkarlığı ilə bağlı iddialar hər gün daha çox dilə gətirilərkən, fəlakətdə həyatını itirənlərin sayı 81-ə yüksəlib.
"Operativ Məlumat Mərkəzi-OMM" xarici mediaya istinadən xəbər verir ki, Yunanıstan səlahiyyətlilərindən verilən açıqlamada daha 3 nəfərin cəsədinin fəlakətin baş verdiyi bölgədə tapılaraq yarılma üçün Kalamata limanına aparıldığı bildirilib.
BBC-nin qlobal gəmi izləmə kəşfiyyat saytı MarineTraffic-in izləmə məlumatlarına əsaslanaraq, qayığın təxminən 7 saatdır dənizdə hərəkətsiz qaldığı iddiası Yunanıstan Sahil Mühafizəsi tərəfindən rədd edilib.
Yunanıstan Sahil Mühafizəsi tərəfindən verilən açıqlamada gəminin yaxınlıqdakı 2 tankerdən su və qida əlavəsi almaq üçün cəmi 4,5 saat dayandığı və tədarükdən sonra gəminin aşağı sürətlə 6 dəniz mili irəlilədiyi iddia edilib.
Açıqlamada qayığın Yunanıstan səlahiyyətliləri tərəfindən aşkarlanmasından sonra cəmi 30 dəniz mili qət etdiyi iddia edilib.
