Göyərtəsində 213 sərnişinin olduğu təyyarənin Yaponiyanın şimalındakı hava limanına enərkən qanadından tüstü qalxıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, paytaxt Tokiodakı Haneda Beynəlxalq Hava Limanından havaya qalxan All Nippon Airways (ANA) 71 nömrəli reysi yerli vaxtla saat 18:30-da şimal Hokkaydo bölgəsindəki New Chitose hava limanına eniş edib.

Neft sızması səbəbindən uçuş-enmə zolağının ortasında dayanan təyyarənin qanadlarından ağ tüstü qalxıb.

Ekipajlar tüstünü nəzarətə götürərkən, sərnişinlər təxliyə edilib.

Qazaxıstan prezidenti Kasım Jomart-Tokayev mayın 8-9-da Moskvaya səfər etməyi planlaşdırır.

"Operativ Məlumat Mərkəzi-OMM" xəbər verir ki, bu barədə Qazaxıstanın Rusiyadakı səfiri Dauren Abayev məlumat verib.

Diplomat qeyd edib ki, Qazaxıstan 2024-cü ildə Şanxay Əməkdaşlıq Təşkilatı (ŞƏT) və Kollektiv Təhlükəsizlik Müqaviləsi Təşkilatına (KTMT) sədrlik edəcək.

"Müvafiq olaraq, bu formatlar çərçivəsində liderlərimiz arasında görüşlər keçiriləcək".

Şimali Atlantika Alyansının “Sabit müdafiəçi” təlimi NATO-nun Rusiya Federasiyası ilə mümkün münaqişəyə hazırlaşdığını göstərir.

"Operativ Məlumat Mərkəzi-OMM" xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarovanın Moskvanın NATO üzvü olan ölkələrə qarşı hibrid hücumlarda ittihamları ilə bağlı şərhində bildirib.

“Biz etiraf etməliyik ki, NATO bizimlə potensial münaqişəyə ciddi hazırlaşır”,- deyə o vurğulayıb.

Zaxarovanın sözlərinə görə, NATO-nun yüksək rütbəli nümayəndələri və hərbi rəsmilər, o cümlədən Şimali Atlantika Alyansının hərbi komitəsinin rəhbəri Rob Bauer, ABŞ Silahlı Qüvvələrinin Avropadakı komandanı və ABŞ-ın Ali Baş Komandanı bu məsələ ilə bağlı açıq danışırlar.

İtaliya öz ordusunun Ukraynadakı münaqişədə birbaşa iştirakının mümkünlüyünü istisna edib.

"Operativ Məlumat Mərkəzi-OMM" xəbər verir ki, bunu İtaliyanın müdafiə naziri Gido Krosetto deyib.

"Bizim mövqeyimiz dəyişmir. Biz hər zaman hərbçilərimizin münaqişəyə birbaşa müdaxiləsini istisna etmişik", - deyə idarə rəisi bildirib.

İngiltərə və Uelsdə mer, şəhər məclis üzvləri və polis komissarlarının seçilməsi üçün keçirilən yerli seçkilərdə səsvermə başa çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İngiltərədə vətəndaşlar həmçinin 35 Polis və Cinayət Müvəkkilinin (PCC) seçilməsi üçün səs veriblər. Təxminən 8,9 milyon əhalisi olan paytaxt Londonda qeydiyyatdan keçmiş seçicilər də növbəti 4 il ərzində şəhəri kimin idarə edəcəyinə qərar vermək və 25 şəhər şurası üzvünü seçmək üçün sandıq başına gedib.

Birləşmiş Millətlər Təşkilatının Baş katibi Antonio Quterres jurnalistlərin işlərini görərkən həyatlarını riskə atdıqlarını və Qəzzada İsrail ordusu tərəfindən öldürülən jurnalistlərin sayından dəhşətə gəldiyini bildirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Dünyanın misli görünməmiş ekoloji fəlakət yaşadığına diqqət çəkən Quterreş bunun həm indiki, həm də gələcək nəsilləri təhdid etdiyini bildirib. 

Mətbuat mənsublarının bu vəziyyətlə bağlı insanları məlumatlandırmaq və maarifləndirmək vəzifəsi olduğunu ifadə edən Quterreş, "Bəzi güclü insanların, şirkətlərin və qurumların ətraf mühitlə bağlı reportyorları dayandırmaq üçün əllərindən gələni etmələri təəccüblü deyil",- deyə qeyd edib.