Vyetnam Milli Müdafiə Nazirliyi Azərbaycanın Müdafiə Nazirliyinə Avqust inqilabının və 2 sentyabr - Milli Gününün 80 illiyinə həsr olunmuş təntənəli tədbirlərdə iştirak etmək üçün dəvət göndərib.
"Operativ Məlumat Mərkəzi-OMM"-in Vyetnam İnformasiya Agentliyinə istinadən məlumatına görə, bu barədə müdafiə nazirinin müavini general-polkovnik Hoang Xuan Çien bayram tədbirlərinin hazırlanmasına dair iclasda bildirib.
Onun sözlərinə görə, analoji dəvətlər həmçinin Rusiya, Çin, Laos, Kamboca, Kuba, Belarus və Qazaxıstana göndərilib.
"Bu günə qədər Kuba artıq dəvətə rəsmi cavab verib və Kuba İnqilabi Silahlı Qüvvələrinin naziri Alvaro Lopez Myeranın Hanoyda təntənəli mərasimdə iştirak edəcəyini bildirib", - deyə nazir müavini qeyd edib.
