Fransa, Almaniya və Polşanın yaratdığı Veymar üçbucağı Ukrayna ilə döyüşən Rusiyaya qarşı əməkdaşlığı gücləndirəcəkləri mesajı ilə birgə bəyanat yayıb.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Belə ki, Fransa xarici işlər naziri Stefan Sejourne almaniyalı həmkarı Annalena Baerbok və polşalı həmkarı Radoslav Sikorskini La Celle-Saint-Cloud, İl-de-Frans bölgəsində qəbul edib.
Dünən görüşdən sonra birgə bəyanat yayaraq, nazirlər üçtərəfli əməkdaşlığa yeni təkan vermək əzmində olduqlarını bildiriblər. Məqsədlərinin mövcud təhlükəsizlik risklərinə qarşı durmaq üçün Avropa İttifaqını (Aİ) "daha ahəngdar, güclü və daha yaxşı" etmək olduğunu vurğulayan nazirlər, hərbi potensialın və silahlanma sahəsində Avropa əməkdaşlığının gücləndirilməsi və müdafiə xərclərinin artırılması üçün birgə hərəkət edəcəklərini qeyd ediblər.
Birgə bəyanatda Ukraynanın da iştirakı ilə “Veymar+Ukrayna” görüşünün ən qısa zamanda keçiriləcəyi bildirilib.
Veymar üçbucağı ölkələri Rusiyaya qarşı əməkdaşlığı gücləndirəcək
2 dəq
