Ağsuda onlayn dələduzluq yolu ilə vətəndaşları aldadaraq onların pulunu ələ keçirməkdə şübhəli bilinən 31 yaşlı Xəyalə Kərimova saxlanılıb.
Bu barədə “Operativ Məlumat Mərkəzi-OMM”-ə məlumat Daxili İşlər Nazirliyinin Mətbuat xidmətinin Şəki regional qrupu tərəfindən verilib.
Məlumata görə, saxlanılan şəxs özünü dövlət qurumunun əməkdaşı kimi təqdim edərək zərərçəkmişlərə yalan vədlər verib. O, əvvəlcədən ödəniş müqabilində vətəndaşları sosial müavinət və güzəştli mənzillə təmin edəcəyinə inandırıb.
Bu qanunsuz üsulla vətəndaşlardan ümumilikdə 8 min manatdan artıq vəsait əldə edilib.
Hazırda faktla bağlı cinayət işi başlanılıb və müvafiq araşdırmalar davam etdirilir.
