Krımın şimalında baş verən partlayış Rusiyaya məxsus dəmir yolu ilə daşınan raketləri məhv edib.
"Operativ Məlumat Mərkəzi-OMM" xarici KİV-ə istinadən xəbər verir ki, bunu Ukrayna Müdafiə Nazirliyi bildirib.
Ukrayna müdafiə kəşfiyyatı bildirib ki, “müəmmalı” partlayışlar Rusiyanın Qara Dəniz Donanması tərəfindən istifadə üçün nəzərdə tutulmuş Rusiyanın “Kalibr-NK” qanadlı raketlərini məhv edib.
Ukrayna hakimiyyəti zərbəyə görə məsuliyyəti birbaşa öz üzərinə götürməsə də, bunun “Rusiyanın daha da demilitarizasiyasına və Krım yarımadasının işğaldan azad edilməsinə” xidmət etdiyini bildirib.
İlhaq edilmiş yarımadanın Rusiya tərəfindən təyin edilmiş rəhbəri Sergey Askyonov zərbənin olduğunu və bölgənin hava hücumundan müdafiə sisteminin işə salındığını təsdiqləyib.
O bildirib ki, bir nəfər xəsarət alıb, iki binaya ziyan dəyib.