“Türkiyəni də, Azərbaycanı da sevirəm” - “Qarabağ”ın yeni transferi

“Türkiyəni də, Azərbaycanı da sevirəm” - “Qarabağ”ın yeni transferi
02.02.2023 14:28
Aa
dəq

“Qarabağ”ın Fransanın “Dijon” klubundan transfer etdiyi Yassif Benzia “CBC Sport” kanalına açıqlama verib.

“Operativ Məlumat Mərkəzi - OMM" xəbər verir ki, əlcəzairli yarımmüdafiəçi qısa müddətdə komandaya uyğunlaşacağını deyib:

“Bütün “Qarabağ” ailəsinə təşəkkür etmək istəyirəm. Mesaj göndərən azarkeşlərə, məşqçilər heyətinə və bütün futbolçulara minnətdaram. Təəssüratlarım çox yaxşıdır. Hər keçən gün özümü daha yaxşı hiss edirəm. Yaxın müddətdə komandaya uyğunlaşmaq istəyirəm. “Qarabağ”ın güclü komanda olduğunu bilirdim. Çox gözəl oyun sərgiləyirik. Baş məşqçinin fəlsəfəsini bilirəm. Abdullah Zubirlə də danışmışdım. O, mənə komandanın çox yaxşı olduğunu demişdi. “Qarabağ”ın çempionat oyunlarının videolarını izlədim və özüm də gördüm ki, bu klubda vəziyyət kifayət qədər yaxşıdır”.

“Fənərbaxça” və “Hatayspor” kimi klublarda oynamış 28 yaşlı vinger Azərbaycan və Türkiyə arasındakı münasibətlərdən xəbərdar olduğunu bildirib:

“Bəli, bilirəm. İnternet və televiziyadakı videolarda görmüşdüm. Hər iki ölkənin bir-biri ilə yaxşı münasibəti var. Türkiyəni də, Azərbaycanı da sevirəm. İndi burada olduğum üçün çox xoşbəxtəm”.

Yassin Benzia “Qarabağ”dakı hədəfləri haqda danışıb və Konfrans Liqasının pley-off mərhələsində baş tutacaq “Gent”lə oyunları dəyərləndirib:

“Mənim hədəfim həmişə hər şeyi qazanmaq olub. “Qarabağ” bu ölkənin ən yaxşı komandasıdır. Həm çempion olmaq, həm də avrokuboklarda irəliləmək istəyirəm. Biz böyük komandayıq və hər şeyi qazanmaq istəyirik. “Gent” güclü rəqibdir, amma bizim şansımızın daha çox olduğunu düşünürəm. Bu oyunlara yaxşı hazırlaşırıq. Ümid edirəm ki, növbəti mərhələyə biz keçəcəyik”.

Həftənin ən çox oxunanları

Minifutbol üzrə dünya çempionatı 2025-ci ildə Bakıda keçiriləcək

Minifutbol üzrə dünya çempionatı 2025-ci ildə Bakıda keçiriləcək
DAVAMIN OXU davamın oxu

Xorvatiya millisinin AVRO-2024 üçün heyəti açıqlanıb

Xorvatiya millisinin AVRO-2024 üçün heyəti açıqlanıb
DAVAMIN OXU davamın oxu

Fatih Terim "Panatinaikos"dan ayrılıb

Fatih Terim
DAVAMIN OXU davamın oxu

Rövşən Nəcəf UEFA prezidenti ilə görüşüb

Rövşən Nəcəf UEFA prezidenti ilə görüşüb
DAVAMIN OXU davamın oxu

AFFA “Zirə”yə xəbərdarlıq edib

AFFA “Zirə”yə xəbərdarlıq edib
DAVAMIN OXU davamın oxu