Son zamanlar İraq və Türkiyə arasında terrorla mübarizə, enerji, səhiyyə, kənd təsərrüfatı, nəqliyyat və su kimi çoxölçülü sahələrdə ikitərəfli əlaqələri gücləndirən yüksək səviyyəli və hərtərəfli səfərlər həyata keçirilir.

"Operativ Məlumat Mərkəzi-OMM" xəbər verir ki, prezident Rəcəb Tayyib Ərdoğanın aprelin 22-də baş tutması gözlənilən İraq səfəri öncəsi iki ölkə arasında qarşılıqlı təmaslarda intensiv artım müşahidə olunur.

Tərəflərin qarşılıqlı səfərləri zamanı prezident, baş nazir, parlament sədrləri, Xarici İşlər, Müdafiə, Nəqliyyat və Ticarət nazirlikləri, eləcə də Baş Qərargah rəisi kimi yüksək səviyyəli vəzifələrdə görüşlər keçirilib.

Türkiyə Silahlı Qüvvələri tərəfindən İraqın şimalında 32 PKK terrorçusu zərərsizləşdirilib.

"Operativ Məlumat Mərkəzi-OMM" xəbər verir ki, bu barədə Türkiyənin Milli Müdafiə Nazirliyindən bildirilib.

Məlumata görə, Türkiyə təhlükəsizlik qüvvələri həmin terrorçuları “Pəncə-Kilit” əməliyyatı bölgələrində aşkarlayaraq zərərsizləşdirib.

Nazirliyin açıqlamasında bölgədə son terrorçu zərərsizləşdirilənə qədər mübarizənin qətiyyətlə davam etdiriləcəyi vurğulanıb.

Türkiyənin İstanbul şəhərinin Başakşehir rayonunda yerləşən İkitelli sənaye zonasında kimyəvi maddələr istehsalı müəssisəsində partlayış baş verib.

"Operativ Məlumat Mərkəzi-OMM"-in "TRT haber"ə istinadən xəbər verir ki, partlayış və ardınca baş verən yanğın nəticəsində bir nəfər xəsarət alıb.

Hadisə yerinə polis, Fövqəladə Hallar və Təbii Fəlakətlərin İdarə edilməsi Agentliyinin (AFAD) üzvləri, yanğınsöndürmə və təcili yardım briqadası cəlb olunub.

Yanğın zamanı yüngül xəsarət alan işçi xəstəxanaya çatdırılıb.

Gürcüstanın baş naziri İrakli Kobaxidze bildirib ki, bu və ya digər müxalifət partiyasının ölkədə inqilab təşkil etmək üçün təkrar cəhdləri onların qadağan edilməsinə səbəb ola bilər.

"Operativ Məlumat Mərkəzi-OMM" xəbər verir ki, bu barədə TASS məlumat yayıb.

Onun sözlərinə görə, iğtişaşlara görə müxalifət partiyaları, eləcə də Gürcüstanın xarici tərəfdaşları məsuliyyət daşıyır. O, bunu xarici agentlər haqqında qanun layihəsini yanlış şərh etdikləri ilə izah edib.

Türkiyənin 12 vilayətində İŞİD təşkilatının tərəfdarı olmaqda şübhəli bilinən şəxslər saxlanılıb.

"Operativ Məlumat Mərkəzi-OMM" xəbər verir ki, bu barədə ölkənin daxili işlər naziri Əli Erlikaya bildirib.

Daxili İşlər Nazirliyi rəhbərinin açıqlamasına görə, əməliyyatlar zamanı ümumilikdə 41 nəfər saxlanılıb, onlardan 10-u İstanbulda yaxalanıb. Qeyd olunub ki, saxlanma yerlərində odlu silahlar aşkar edilib.

Qazaxıstan hakimiyyəti mayın 1-dən etibarən ölkənin hava limanlarında əlavə aviasiya təhlükəsizliyi tədbirləri görəcək.

"Operativ Məlumat Mərkəzi-OMM" xəbər verir ki, bu barədə Respublika Nəqliyyat Nazirliyinin mətbuat xidməti məlumat verib.

Bildirilib ki, sərnişin terminallarının girişindəki ilk yoxlama xətti qadağan olunmuş əşyaların terminala gətirilməsinə nəzarət etmək üçün nəzərdə tutulub. Nazirlik sərnişinlərdən yoxlama və qeydiyyat üçün əvvəlcədən hava limanlarına gəlmələrini xahiş edib.