ABŞ-ın yeni seçilmiş prezidenti Donald Tramp konqresmen Mayk Uolsu administrasiyasında milli təhlükəsizlik müşaviri təyin etmək qərarını açıqlayıb.
"Operativ Məlumat Mərkəzi-OMM"-in Amerika mətbuatına istinadən verdiyi məlumata görə, bu barədə onun rəsmi bəyanatında deyilir.
“Konqresmen Mayk Uolsun kabinetimdə Milli Təhlükəsizlik üzrə müşaviri vəzifəsinə təyin edildiyini elan etməkdən şərəf duyuram”, - deyə Tramp bildirib.
O qeyd edib ki,Uols Çin, Rusiya, İran və qlobal terrorizmin yaratdığı təhlükələr üzrə ekspertdir.
Amerika mediası vurğulayır ki, milli təhlükəsizlik müşaviri Senatın razılığı olmadan prezident tərəfindən təyin edilir.
