Türkiyənin Sivas şəhərinin Suşehri rayonunda traktor aşıb.
"Operativ Məlumat Mərkəzi-OMM" xəbər verir ki, bununla bağlı Türkiyə KİV məlumat yayıb.
Bildirilib ki, traktorun altında iki nəfər qalıb.
Belə ki, Erence kəndində yaşayan ər-arvad dünən səhər saatlarında nömrəsi müəyyən edilə bilməyən traktorla odun yığmağa gediblər.
Onların kəndə qayıtmadığını görən yaxınları vəziyyəti jandarma və AFAD-a xəbər verib.
Axtarış zamanı yaşlı cütlüyün traktoru Kayın dərəsində aşmış vəziyyətdə tapılıb. Traktorun altında qalan cütlüyün hadisə yerində öldüyü müəyyən edilib.
