24-26 mart tarixlərində ABŞ-nin Nyu-york şəhərində 5000 tələbənin iştirakı ilə BMT Model Konfransı keçirilib.
"Operativ Məlumat Mərkəzi - OMM" xəbər verir ki, 142-dən çox BMT-yə üzv dövlətləri təmsil edən 5000-dən çox tələbə burada səfir rolunda ölkələrini təmsil ediblər.
“Dünyanın dəyişdirilməsi” adı altında keçirilən layihəsinin əsas məqsədi sabahın liderlərinin şüurlu formalaşmasına töhvə vermək, demokratiya və tolerantlıq dəyərlərinə əsaslanan inkişaf etmiş dünya yaratmaqdır. Bu səbəbdən gənclərə yönəlmiş bu tədbirdə dünya siyasətinin və diplomatiyasının aparıcı simaları gənclərlə həmsöhbət olaraq onlara öz tövsiyələrini veriblər.
Ölkəmiz 10 tələbə ilə təmsil olunub.
Konfransda iştirak edən Nəzrin Hüseynli "Operativ Məlumat Mərkəzi - OMM"-ə açıqlamasında qeyd edib ki, tədbir digər ölkələrdən olan şəxslərlə əlaqə qurmaqda çox effektivdir.
Qeyd edək ki, sonda azərbaycanlı tələbələrin fəal iştirakı nəticəsində onlar müxtəlif seqmentlər üzrə medal, sertifikat və qiymətli hədiyyələrlə mükafatlandırılıblar.
